طريقة عمل البان كيك صحي ولذيذ

كوباية شوفان مطحون

1/2 كوب دقيق

1 موزة

كوب لبن

1 بيضة

معلقتين عسل نحل

معلقة كبيرة زيت

رشة قرفة

معلقة صغيرة بيكنج بودرة

كيس فانيليا

قطعة صغيرة زبدة, للتبطين

للتزيين :

عسل النحل

الفراولة

رشة جوز هند

نوتيلا

مكسرات مجروشة

زبيب

الخطوات

هنحط كل المكونات على بعض في الخلاط ونضربها كويس جداً لحد ما يبقى عندنا قوام سميك شوية

في طاسة تيفال أو سيراميك هنسخنها كويس وهنجيب حتة زبدة صغيرة نمسح بيها الطاسة بس وننزل العجينة

اول ما الأطراف تأخذ لون هنرفعها ونبص لو الوجه إلى تحت اخد لون هنقلبها وأما تستوي وتأخذ لون هنشلها

ممكن نحط عليها عسل نحل وفاكهة أو نوتيلا ومكسرات أو اي حاجة بنحبها

انا هنا عملت جزء بعسل النحل والفراولة ورشة جوز هند.. والنص التاني بالنوتيلا ومكسرات مجروشة وزبيب وبالهنا والشفا