حورية فرغلي: اتجوزت 3 شهور واتطلقت بسبب اللى اتكتب عليا في الجرايد
كشفت الفنانة حورية فرغلي تفاصيل زواجها الوحيد من نجل الإعلامي أحمد فراج.
وقالت حورية فرغلي خلال حوارها مع الإعلامية ريهام سعيد في برنامج “صبايا” الذي يتم عرضه عبر شاشة قناة “الشمس”: “أنا اتجوزت لمدة 3 شهور من ابن الإعلامي أحمد فراج واتطلقت بسبب الكلام اللي كان بيتكتب في الجرايد بسبب جائزة ملكة جمال مصر، بس احنا أصحاب جدًّا لحد دلوقتِ، أنا اتطلقت منه 2003 قبل ما أدخل التمثيل”.
وأوضحت حورية فرغلي أن انفصالها لم يكن بسبب عدم الإنجاب ولكن بسبب عدم التوافق، معلقة: “لما اتجوزت 3 شهور، اكتشفت إني مبخلفش ومليش في الإنجاب، ومش ده كان سبب طلاقي ولكن مكناش سعدا مع بعض”.
وكشفت حورية عن السبب وراء عدم إنجابها، قائلة: “كذا دكتور أكدوا لي إني مليش في الخلفة ودي حاجة مولودة بيها وعملت اختبار في إنجلترا قالوا لي الرحم نفسه مش طبيعي، وأنا الحمد لله راضية”.
وتابعت: “لما فزت بلقب ملكة جمال مصر اتنازلت عن التاج للوصيفة نور السمري لما قالوا ماشية مع ابن وزير والموضوع دخل في قصة أعراض وإني رشيت لجنة تحكيم ملكة جمال مصر قلت لأ مش عايزة الجائزة وإيه اللي يدخلني في الوش وتشويه صورة عيلتي ليه”.
وقالت حورية فرغلي أنها كانت على وشك الزواج من مسئول في العائلة الحاكمة بالإمارات ولكنه توفي قبل الزفاف بـ يوم وأنها تحتفظ بكل هدية أعطاها إياها، معلقة أنها منذ ذلك الحين لم ترتبط عاطفياً بأحد.
