عمل صدور فراخ بالجبنه الموتزاريلا والصلصة
المكوّنات
التتبيله
1 بصله مفرومه ناعم
معلقه كبيرة خل
معلقه ملح
½ معلقه فلفل اسود
¼ معلقه ثوم بودرة
¼ معلقه بصل بودرة
¼ معلقه بابريكا
طبقه التغليف:
دقيق
بيض
لبن
بقسماط مطحون
ملح وفلفل أسود حسب الرغبة
ثوم وبصل بودرة
بابريكا
زيت غزير للقلي
الصلصة:
½ لتر عصير طماطم
2 فص ثوم مفروم
معلقه زيت
ملح وفلفل اسود
ثوم بودرة
بصل بودرة
رشه سكر
للوجه:
جبنة موتزاريلا
الخطوات
الخطوة 1
في بولة نحط البصل المفروم والخل و التوابل ونزل عليهم شرائح البانيه ونقلبه كويس ونسيبه يتبل نصف ساعة
الخطوة 2
ونجيب ثلاث اطباق واحد دقيق والتاني بيض ولبن والتالت بقسماط ونرش على كل طبق ملح وفلفل اسود وثوم وبصل و بابريكا ونقلبهم كويس
الخطوة 3
وننزل بشرائح البانيه الأول الدقيق وبعدين البيض واخر حاجه البقسماط وندخله الثلاجه ربع ساعة كمان
الخطوة 4
في حله على النار نحط الزيت يسخن وننزل عليه بالثوم المفروم ونقلبه لحد متطلع ريحته ننزل بعصير الطماطم و التوابل ورشه السكر ونسيبها تتسبك
الخطوة 5
نحط طاسه كبيره على النار فيها زيت غزير يسخن نقلي البانيه لحد ما ياخذ لون فاتح
الخطوة 6
نجيب البيركس نحط اول حاجه شويه صلصة ونرص شرائح البانيه ونزل على كل قطعه شويه صلصة كمان واخر حاجه الجبنة المتزريلا
الخطوة 7
تدخل الفرن على درجه حراره ١٨٠ لمده ١٠ دقائق
الخطوة 8
وبالف هنا
