الرئيس السيسى: يجب حل أزمة الدولار ونستهدف زيادة الصادرات لـ 100 مليار دولار

قال الرئيس عبد الفتاح السيسى، إن عدد السكان شهد زيادة بنحو 26 مليون نسمة منذ 2011.

أضاف الرئيس السيسي، فى لقائه عدد من المسؤولين والإعلاميين على هامش احتفالية وزارة الداخلية بعيد الشرطة الـ72، أن الزيادة السكانية تؤثر بشكل سلبى على جهود التنمية.

وتابع الرئيس عبد الفتاح السيسى: "يجب حل أزمة نقص الدولار بشكل نهائى، ونحن نستهدف زيادة الصادرات إلى 100 مليار دولار".

وعلق الرئيس عبد الفتاح السيسي، على أزمة الكهرباء، وقال: "لما بتكلم الأزمة اللي موجودة عندنا، مش فكرة توصيفها، ولكن فكرة حلها بما يتسق مع طبيعة ظروفها".

وأضاف الرئيس السيسي: "أنت انهاردة عاوز تقول إنه كان ممكن أوي نتحمل الظروف اللي كانت موجودة، يعني المصريين كان ممكن يتحملوا عمليات إرهابية ضد الدولة المصرية عشان منصرفش 120 مليار جنيه؟".

وتابع: "قلت قبل كدة، دولة زي مصر تحتاج أرقام كبيرة جدا للإنفاق عليها، والأرقام دي مش موجودة وقصادنا مسار من اتنين، يا نفضل نضحي لغاية ما نصل لأرقام ترضينا وتكفينا كلنا، يا إما مش هنستحمل ونبقى تسببنا في خرابها كلنا، بقول الكلام ده للمفكر والمثقف والإعلامي ولأي مسئول في الدولة".