شيرين عبد الوهاب تتصدر تريند جوجل بعد لقائها في برنامج ”بيغ تايم بودكاست”

تصدرت النجمة شيرين عبد الوهاب تريند محركات بحث جوجل نظرًا لتصريحاتها المثيرة والجريئة، خاصة كلامها عن الأعمال والسحر وذلك خلال لقائها مع الإعلامي عمرو أديب والنجمة أصالة في برنامج "بيغ تايم بودكاست" المذاع عبر قناة MBC.

أبرز تصريحات شيرين عبد الوهاب في برنامج "بيغ تايم بودكاست" المذاع عبر قناة MBC.

وقالت:"لقيت صرّة معلقة على باب البيت، وفتحتها لقيت فيها بودرة من المقابر ومفتاح غرفة نومي، وده عمل والمفتاح يقفل كل حاجة في حياتك".

شيرين عبد الوهاب:"ياسمين عبد العزيز تعرضت للسحر"

وأضافت:"حبيبة قلبي ياسمين عبد العزيز كانت داخلة في غيبوبة وكانت هتموت، كان معمول لها سحر أسود، وأنا ألجأ للقرآن، سورة البقرة للشفاء، وسورة قاف للقرين".

شيرين عبد الوهاب:" أشعر أحيانًا بالخوف دون سبب"

وتابعت:"أشعر أحيانًا بالخوف دون سبب، وبأشغل سورة قاف، لإن ساعات يجيلي إحساس بالخوف والبكاء من غير سبب، وأقول الأوضة دي فيها ثعبان، دي بتبقى روح شريرة، وفي ناس ولاد حرام بيرموا حاجات في البيوت ".

وأشارت:"أنا جالي تليفون إنهم لقوا ثعبان في البيت في الكومباوند، وده معناه إني مش داخلة التجمع كله مش البيت، وراجعة القاهرة مش عارفة أروح بيت مين من صحابي".

وواصلت: "الاختيار بيكون غلط لو في حياتك 40 شخص طلع منهم 25 وحشين، لكن كلهم أقرب وأبعد الناس طلعوا خونة، مفيش أصل ولا عشرة، وكل الناس لابسة أقنعة".

شيرين عبد الوهاب:" مش عايزة أسيب بناتي لحد يعذّبهم"

واختتمت:"مش عايزة أسيب بناتي لحد يعذّبهم ويستغلهم، بعد ما شوفت من أقرب الناس غل رهيب وغيرة، ومفيش حتى كلمة سلامتك".

آخر أعمال شيرين عبد الوهاب

والجدير بالذكر آخر أعمال شيرين عبد الوهاب أغنية الدهب، والتي حازت على إعجاب الجمهور في الوطن العربي.