أمير عيد يكشف حقيقة استغلال المواقع الأجنبية لأزمة حفلات كايروكي
أفاد الفنان أمير عيد بأن هناك العديد من المواقع والقنوات الأجنبية تستغل أزمة إلغاء حفلات فرقة "كايروكى" الفترة الأخيرة.
ونشر أمير عبر حسابه بموقع التدوينات القصيرة "تويتر" :"من ساعة ما الحفلات بتاعتنا بقت بتتلغى والمواقع والقنوات الأجنبية والعربية عمالة تكلمنى بشكل مبالغ فيه عشان ياخدوا تصريح نارى".
وأضاف: "والحقيقة أحب أقولهم إن ده شأن داخلى وملكمش دعوة بيه وإحنا مش هنبقى مادة يتم استغلالها عشان تخدم اتجاهاتكم السياسية وأچنداتكم".
وتابع :"كلامى بدون تعميم أنا ظهرت وعملت لقاءات مع مواقع وقنوات أجنبية كتير منهم المحترم ومنهم اللى بيستضيفك لأسباب أخرى تحتاج محلل اجتماعى أو سياسى والأسئلة بتبقى 90 ٪ سياسة وأمور اجتماعية و10٪ فن وبحكم التجربة اتعلمت أبقى عارف أظهر مع مين ومظهرش مع مين وإيه الغرض بالضبط من استضافتى".
